ఇంట‌ర్ విద్యార్థులు ఆందోళ‌న చెంద‌వ‌ద్దు.. త‌ప్పు దొర్లింది.. 2 మార్కులు క‌లుపుతున్నాం

ఆంధ్ర‌ప్ర‌దేశ్ రాష్ట్రంలో ఇంట‌ర్ ప‌రీక్ష‌లు రాస్తున్న విద్యార్థుల‌కు ఇంట‌ర్ విద్యామండ‌లి శుభ‌వార్త చెప్పింది. సోమ‌వారం ద్వితీయ సంవ‌త్స‌రం ఫిజిక్స్‌(భౌతిక‌శాస్త్రం) ప‌రీక్ష‌ను నిర్వ‌హించారు. అయితే.. ఇంగ్లీష్ మీడియం ప్ర‌శ్నాప‌త్రంలో ఓ త‌ప్పు దొర్లిన‌ట్లు బోర్డు గుర్తించింది. దీంతో ఈ ప‌రీక్ష రాసిన విద్యార్థులు అంద‌రికి 2 మార్కులు క‌ల‌ప‌నున్న‌ట్లు వెల్ల‌డించింది.

ఫిజిక్స్ పేపర్ 2లోని తెలుగు మీడియం ప్రశ్నపత్రంలో మూడో ప్రశ్నగా 'అయస్కాంత అవపాతం'ను నిర్వచించుము ? అని వ‌చ్చింది. అదే ఇంగ్లీష్ మీడియం ప్రశ్నాపత్రంలో 'డిఫైన్ మ్యాగ్నెటిక్ డిక్లే నేషన్' అని తప్పుగా ప్రచురితమైంది దానికి బదులుగా 'డిఫైన్ మ్యాగ్నెటిక్ ఇన్ క్లీనేషన్ ఆర్ యాంగిల్ ఆఫ్ డీప్' రావాల్సి ఉంది. దీనిని గుర్తించిన బోర్డు.. ఈ ప్రశ్నను విద్యార్థులు రాసినా, రాయ‌క‌పోయినా 2 మార్కులు కలుపుతామని తెలిపింది. విద్యార్థులు ఎవ్వ‌రూ ఆందోళ‌న చెంద‌వద్ద‌ని కోరింది.

పరీక్షలకు సంబంధించిన సమస్యలపై ఏపీ ఇంటర్‌ విద్యామండలి టోల్‌ఫ్రీ నంబరు 18004257635 ఏర్పాటు చేసిన విషయం తెలిసిందే. ఏమైనా సందేహాలు ఉంటే ఈ నంబర్ లో సంప్రదించవచ్చు. ఇక రాష్ట్రంలో 1,489 పరీక్ష కేంద్రాల్లో మొత్తం 10,03,990మంది పరీక్షలు రాస్తున్నారు. మొదటి సంవ‌త్స‌రం విద్యార్థులు 4,84,197 ఉండగా రెండ‌వ‌ సంవత్సరం విద్యార్థులు 5,19,793 మంది ఉన్నారు.