ఏపీలో గుట్టుగా గంజాయి దందా.. పోలీసులకు చిక్కకుండా గూగుల్ మ్యాప్స్‌ సాయంతో..

విశాఖపట్నం: ఆంధ్రప్రదేశ్‌లో డ్రగ్స్ స్మగ్లర్లు తమ అసాంఘిక కార్యకలాపాలకు వినూత్న పద్ధతులను ఉపయోగిస్తున్నారు. ఇంతకుముందు గంజాయిని పెద్దఎత్తున అక్రమంగా రవాణా చేసేవారు. ఇప్పుడు చట్టాన్ని అమలు చేసే ఏజెన్సీల నుండి తప్పించుకోవడానికి వైజాగ్ నగరం నుండి తక్కువ పరిమాణంలో డ్రగ్స్ అక్రమంగా రవాణా చేయబడుతున్నాయి.

పోలీస్ డిపార్ట్‌మెంట్‌తో పాటు, స్పెషల్ ఎన్‌ఫోర్స్‌మెంట్ బ్యూరో (SEB), ఆర్‌పీఎఫ్‌, గవర్నమెంట్ రైల్వే పోలీస్, డీఆర్‌ఐ డ్రగ్స్‌పై యుద్ధంలో పాల్గొంటున్నాయి. గంజాయి స్మగ్లింగ్‌ను అరికట్టడానికి ఎన్‌ఫోర్స్‌మెంట్ ఏజెన్సీలు వ్యూహాత్మక ప్రదేశాలలో సిబ్బందిని మోహరించాయి.

ఆంధ్రా ఒడిశా బోర్డర్, ఒడిశాలోని కోరాపుట్ ప్రాంతానికి చెందిన కొన్ని గంజాయి ముఠాలు హైవేలు లేదా రైళ్లలో వైజాగ్‌కు తక్కువ మొత్తంలో గంజాయిని (10 కిలోలు, 20 కిలోల ప్యాకెట్లు) అక్రమంగా తరలిస్తున్నారు. ఎన్‌ఫోర్స్‌మెంట్ ఏజెన్సీలు తక్కువ తరచుగా వెళ్లే మార్గాలను ఎంచుకోవడానికి ముఠాలు గూగుల్‌ మ్యాప్స్‌, ఇతర సాంకేతికతను ఉపయోగిస్తున్నాయి.

''వైజాగ్ నగరంలోని కొన్ని ప్రాంతాలు గంజాయికి రవాణా కేంద్రాలుగా మారాయి. అంతర్ రాష్ట్ర స్మగ్లర్లు వైజాగ్ నగరాన్ని సందర్శించి, స్థానిక లేదా ఒడిశా ముఠాల నుండి తక్కువ మొత్తంలో గంజాయిని సేకరించి, అక్కడి నుంచి ఇతర నగరాలకు రవాణా చేస్తున్నారని మేము గమనించాము, అక్కడ శీలవతి రకం గంజాయికి డిమాండ్ ఎక్కువగా ఉంది'' అని సీనియర్ పోలీసు అధికారి తెలిపారు.

గత కొన్ని నెలలుగా పదికి పైగా అంతర్ రాష్ట్ర ముఠాలను పట్టుకున్నామని, వారి నుంచి కొద్దిపాటి గంజాయిని స్వాధీనం చేసుకున్నామని వైజాగ్ సిటీ ఏసీపీ (టాస్క్ ఫోర్స్) ఎ త్రినాధరావు తెలిపారు. ''అంతర్ రాష్ట్ర స్మగ్లర్లు, గంజాయి సరఫరాదారులు వైజాగ్ నగరంలోని ఒక నిర్దిష్ట పాయింట్ నుండి గంజాయిని సేకరించడానికి కొంత సాంకేతికత, కోడ్ భాషను ఉపయోగిస్తున్నారని మా దర్యాప్తులో తేలింది. గంజాయి పెద్ద మొత్తంలో కాకుండా తక్కువ పరిమాణంలో అక్రమంగా రవాణా అవుతున్నట్లు ఇటీవలి సంఘటనలు స్పష్టంగా తెలియజేస్తున్నాయి. గంజాయి స్మగ్లింగ్ సంఘటనలను ఛేదించడానికి మేము ఇతర శాఖలతో సమన్వయం చేస్తున్నాము'' అని ఆయన చెప్పారు.

ఎన్‌ఫోర్స్‌మెంట్ ఏజెన్సీలు స్మగ్లర్లపై అణిచివేతని కొనసాగిస్తున్నందున, ఏఎస్‌ఆర్‌ జిల్లా, ఆంధ్రా ఒడిశా సరిహద్దు ప్రాంతాల నుండి గంజాయి ధర ఆంధ్రప్రదేశ్‌లోని పెద్ద నగరాలు, మెట్రో నగరాల్లో 60 నుండి 80 శాతానికి పైగా పెరిగింది.

వైజాగ్ నగరంలో 10 గ్రాముల షీలావతి రకం గంజాయి ధర 500 నుండి 600 రూపాయల వరకు ఉంటుంది. ఒక సంవత్సరం క్రితం, వైజాగ్ నగరంలో 10 గ్రాముల గంజాయి ధర రూ.200 నుండి రూ.300 వరకు ఉంది అని వైజాగ్ నగరంలోని టాస్క్ ఫోర్స్ పోలీస్ స్టేషన్ సీనియర్ అధికారి తెలిపారు.

ప్రధానాంశాలు

నగరాలు, మహానగరాల్లో శీలవతి గంజాయి కిలో రూ.50 వేల నుంచి రూ.లక్ష వరకు విక్రయిస్తున్నారు.

ఎవోబీలో వెంట గంజాయి వ్యాపారం లేదా సాగు కొత్తది కాదు.

ఎవోబీ ప్రాంతంలో గంజాయి పంటను విస్తృతంగా (మొత్తం సాగులో 75 శాతం) సాగు చేస్తున్నారు.

2022లో స్వాధీనం చేసుకున్న 2.45 లక్షల గంజాయిని ఏపీ పోలీసులు ధ్వంసం చేశారు