వాసుదేవ రెడ్డి నివాసంలో అధికారుల సోదాలు

ఆంధ్రప్రదేశ్ బేవరేజెస్ కార్పొరేషన్ మాజీ మేనేజింగ్ డైరెక్టర్ దొంతిరెడ్డి వాసుదేవ రెడ్డి నివాసంలో శుక్రవారం ఏపీ సీఐడీ అధికారులు సోదాలు నిర్వహించారు. నానక్‌రామ్‌గూడలోని ఆయన ఇంట్లో సోదాలు నిర్వహించారు. రాష్ట్రంలో కొత్త మద్యం పాలసీ ద్వారా లబ్ధి పొందేందుకు వైసీపీకి మొగ్గు చూపారని, ప్రభుత్వ వైన్‌ స్టోర్లలో జే బ్రాండ్‌ను ప్రవేశపెట్టడంలో కీలకపాత్ర పోషించారని ఆయన మీద ఆరోపణలు ఉన్నాయి. ఏప్రిల్ 17న, మద్యం పంపిణీకి సంబంధించి అవకతవకల ఆరోపణలపై స్పందించిన భారత ఎన్నికల సంఘం (ఈసీఐ) వాసుదేవ రెడ్డిని APSBCL MD పదవి నుండి బదిలీ చేసింది.

ఏపీ బెవరేజెస్‌ ఎండీగా పనిచేసిన వాసుదేవరెడ్డి నివాసంలో సీఐడీ సోదాలు చేపట్టారు. ఉదయం మూడు వాహనాల్లో వచ్చిన ఏపీ పోలీసులు నానక్‌రామ్‌గూడలోని వాసుదేవరెడ్డి నివాసంలో సోదాలు నిర్వహించారు. జగన్‌ హయాంలో మద్యం దోపిడీని వాసుదేవ రెడ్డి నడిపించారని ఆరోపణలు రావడంతో ఏపీ పోలీసులు ఆయన ఇంట్లో సోదాలు నిర్వహించారు.