జయభేరి కన్ స్ట్రక్షన్స్.. ఈ పేరు వింటే చాలు ప్రముఖ సినీ నటుడు, మాజీ ఎంపీ మురళీమోహన్ గుర్తుకు వస్తారు. ఈ కన్ స్ట్రక్షన్స్ కంపెనీతో ఎన్నో నిర్మాణాలను ఆయన చేపట్టిన సంగతి తెలిసిందే..! పలు ప్రాంతాల్లో ఎన్నో ప్రతిష్టాత్మక ప్రాజెక్టులను జయభేరి కన్ స్ట్రక్షన్స్ సంస్థ పూర్తీ చేసింది. తాజాగా ఆ కంపెనీపై ఆంధ్రప్రదేశ్ ప్రభుత్వం భారీ జరిమానాను విధించింది. అమరావతిని ఆనుకుని ఉండే కుంచనపల్లిలో జయభేరి కన్ స్ట్రక్షన్స్ నిర్మించిన భవనాలు నిబంధనలకు విరుద్ధమని పేర్కొన్న అధికారులు రూ.1.5 కోట్లు జరిమానాగా విధించారు.

జాతీయ రహదారి పక్కనే ఉండే కుంచనపల్లిలో 7 ఎకరాల 5 సెంట్ల భూమిని కొనుగోలు చేసిన జయభేరి కన్ స్ట్రక్షన్స్ 2016లో నిర్మాణాలు చేపట్టింది. వ్యవసాయ భూమి కాగా దీంట్లోనే నిర్మాణాలు చేపట్టారు. నిబంధనలు పాటించలేదని జయభేరి కన్ స్ట్రక్షన్స్ పై వైసీపీ ప్రభుత్వం చర్యలకు ఉపక్రమించింది. 3 శాతం ల్యాండ్ కన్వర్షన్ ఫీజుతో పాటు జరిమానా కూడా విధించారు. నిబంధనలకు విరుద్ధంగా నిర్మాణాలు చేపట్టినందుకు రూ.1 కోటి, అపరాధ రుసుం కింద మరో రూ.50 లక్షలు చెల్లించాలని జయభేరి కన్ స్ట్రక్షన్స్ ను ఆదేశించారు.


సామ్రాట్

Next Story