భూమి కి తిరిగి వచ్చిన అమెరికా 'రహస్య వ్యోమనౌక’ !

రహస్య పరిశోధన కోసం అమెరికా వైమానిక దళం పంపిన ఎక్స్-37బి వ్యోమనౌక రెండేళ్ల పాటు రోదసిలో గడిపిన తరువాత భూమికి తిరిగి వచ్చింది.

780 రోజుల పాటు కక్ష్యలో ఉన్న తరువాత, ఈ అంతరిక్ష నౌక ఫ్లోరిడాలోని కెన్నెడీ అంతరిక్ష కేంద్రంలో దిగింది.

ఇన్నిరోజుల పాటు ఆ నౌక రోదసిలో ఏమి చేసిందా అనే విషయాలను అమెరికా గోప్యంగా ఉంచింది. తమ లక్ష్యాలన్ని నెరవేరాయని మాత్రమే చెప్పింది.

అమెరికా వైమానిక దళ లాబొరేటోరీకి సంబంధించిన కొన్ని ప్రయోగాలు ఇందులో జరిగినట్టు తెలుస్తోంది. దీనిని రోదసిలోకి పంపడం ఇది ఐదోసారి.