అమరావతి పరిధిలో జరుగుతున్న వ్యభిచార దందా గుట్టు రట్టయింది. వ్యభిచారం జరుగుతుందన్న పక్కా సమాచారంతో పోలీసులు ఓ ఇంటిపై దాడి చేయగా..ముగ్గురు అరెస్టయ్యారు. చిన కాకాని గ్రామ పంచాయతీ పరిధిలోని రాజ్ కమల్ రోడ్డులో ఇద్దరు మహిళలు ఓ ఇంటిని అద్దెకు తీసుకున్నారు. కొంతకాలంగా ఆ ఇంటిలోనే వ్యభిచారం నడిపిస్తున్నారు. నిత్యం వేర్వేరు వ్యక్తులు ఆ ఇంటికి వచ్చిపోతుండటంతో అనుమానం వచ్చిన స్థానికులు పోలీసులకు సమాచారమిచ్చారు.

Also Read : 6వ తరగతి బాలికపై గ్యాంగ్‌ రేప్‌.. బట్టలు చింపి మరీ..

వ్యభిచారం జరుగుతుందన్న పక్కా సమాచారం తెలుసుకున్న మంగళగిరి రూరల్ సీఐ పి.శేషగిరిరావు, ఎస్ ఐ శ్రీనివాసరెడ్డి తన బృందంతో వ్యభిచార గృహంపై దాడి చేశారు. ఇద్దరు మహిళలతో పాటు ఓ విటుడిని అరెస్ట్ చేసి, రూ.4వేల నగదును, మూడు సెల్ఫోన్లను స్వాధీనం చేసుకున్నారు.

Also Read : ప్రియుడితో ఏకాంతంగా..రహస్య వీడియోలు లీక్

కేసు నమోదు చేసిన పోలీసులు..ఇందుకు సంబంధించిన వివరాలను వెల్లడించారు. వివిధ ప్రాంతాలకు చెందిన మహిళలను చినకాకానికి రప్పించి ఇక్కడ వ్యభిచారం చేయిస్తున్నట్లు తేలిందన్నారు. ఇంకా ఈ ఊబిలో ఎవరెవరున్నారన్న విషయం తెలియాల్సి ఉందన్నారు. ఎంత మంది ఉన్నా..వీరి వెనుక ఎవరున్నా వదిలిపెట్టే ప్రసక్తే లేదన్నా తేల్చి చెప్పారు.

రాణి యార్లగడ్డ

నాపేరు యార్లగడ్డ నాగరాణి. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, సీవీఆర్ న్యూస్ ఛానెల్ లో మూడున్నరేళ్లు పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.