వాట్సాప్‌లో మరో కీలక ఫీచర్‌

By సుభాష్  Published on  23 Oct 2020 9:48 AM GMT
వాట్సాప్‌లో మరో కీలక ఫీచర్‌

వాట్సాప్‌ మరో కీలక ఫీచర్‌ను తీసుకొచ్చింది. గ్రూప్‌ చాటింగ్‌, అలర్ట్‌ తో విసిగిపోయిన యూజర్లకు కొత్త అప్‌డేట్ తీసుకువచ్చింది వాట్సాప్‌ సంస్థ. వాట్సాప్‌లోని గ్రూప్‌ చాట్‌లను ఆల్వేస్‌ మ్యూట్‌ అనే ఆప్షన్‌తో ఎప్పటికి మ్యూట్‌ చేసే ఫీచర్‌ను తాజాగా అందుబాటులోకి తీసుకువచ్చింది. ఈ విషయాన్ని వాట్సాప్‌ తన అధికారిక ట్విటర్‌లో వెల్లడించింది. చాట్‌ను ఎప్పటికీ మ్యూట్‌ చేయవచ్చని అధికారిక ట్విట్‌లో తెలిపింది.

అయితే వినియోగదారులు ఎంతో ఆసక్తిగా ఎదురు చూస్తున్న ఈ ఫీచర్‌ను చివరకు లాంచ్‌ చేసింది. ఐఫోన్‌, ఆండ్రాయిడ్‌ వినియోగదారులకు కూడా ఇది అందుబాటులో ఉంది. ఈ కొత్త ఫీచర్‌ ప్రజలు ఆ ఇబ్బందికరమైన వాట్సాప్‌ గ్రూపుల నుంచి ఎప్పటికీ ఇబ్బంది లేకుండా ఉండడానికి ఇది ఎంతగానో సహయపడుతోంది. చాట్‌ను మ్యూట్‌ చేసేస్తే సంబంధిత గ్రూపుల నుంచి నోటిఫికేషన్‌ రాదు. సందేశాలు, చిత్రాలు లేదా వీడియోలు, ఇతర ఏ ఫీడ్‌ ఇబ్బంది పెట్టదు. అంతేకాదు.. అవసరమైతే దీన్ని అన్‌మ్యూటింగ్‌ అవకాశం ఉంది. ఇప్పటి వరకు ఈ సదుపాయం ఎనిమిది గంటలు, ఒక వారం, ఒక సంవత్సరం పాటు మ్యూట్‌ చేసేందుకు అవకాశం ఉన్న సంగతి తెలిసిందే.



Next Story