అర్ధరాత్రి నడిరోడ్డుపై విజయ్ దేవరకొండ ఆ నటితో రొమాన్స్.. ఫోటోలు లీక్
By సుభాష్ Published on 1 March 2020 8:31 AM GMTవిజయ్ దేవరకొండ, దర్శకుడు పూరి జగన్నాథ్ కాంబినేషన్లో 'పైటర్' మూవీ తెరకెక్కతున్న విషయం తెలిసిందే. ఈ చిత్రంతో విజయ్ దేవరకొండ హిందీ ఇండస్ట్రీకి పరిచయం కాబోతున్నాడు. పైటర్ను తెలుగు, హిందీతోపాటు ఇతర భాషల్లో కూడా రూపుదిద్దుకుంటోంది. పైటర్ స్టోరీ పాన్ ఇండియాకు అప్పీల్ అవుతుందని భావించిన కరణ్ జోహార్.. పూరి, ఛార్మిలతో కలిసి సినిమా నిర్మాణంలో పాలుపంచుకుంటున్నాడు. కాగా, ఈ చిత్రంలో మొదట శ్రీదేవి కుమార్తె జాన్వీ కపూర్ను తీసుకుంటున్నట్లు వార్తలు వచ్చినా.. జాన్వీ కపూర్ ఇతర సినిమాల్లో బిజీగా ఉండటంతో నటుడు చుంకీ పాండే కుమార్తె అనన్యపాండే నటిస్తోంది. ఇటీవల ఈ చిత్రం షూటింగ్ కూడా ప్రారంభమైంది. ఈ సినిమా షూటింగ్ ప్రస్తుతం ముంబాయిలో కొనసాగుతోంది.
కాగా, ఈ సినిమా చిత్రీకరణలో భాగంగా విజయ్, అనన్యలపై రాత్రి సమయంలో ముంబాయి రోడ్లపై బైక్రైడ్ వంటి సన్నివేశాలను చిత్రీకరించారు. వీటికి సంబంధించిన కొన్ని ఫోటోలు లీక్ కావడంతో సోషల్ మీడియాలో తెగ వైరల్ అవుతున్నాయి. అయితే ఈ సినిమా షూటింగ్ ముంబాయి వీధుల్లో జరుగుతోంది. విజయ్, అనన్యపై బైక్పై చేజింగ్ దృశ్యాలను దర్శకుడు పూరి జగన్నాథ్ తెరకెక్కిస్తున్నాడు.