అర్థరాత్రి భార్య ఎదుటే ముగ్గురు దుండగులు ఓ ఉపాధ్యాయుడిని దారుణంగా హత్య చేసిన ఘటన ఖమ్మం జిల్లా దుమ్ముగూడెం మండలం లచ్చిగూడెంలో చోటు చేసుకుంది. లచ్చిగూడెం నాగన్నగుంపుకు చెందిన ఉపాధ్యాయుడు చిన్న రామకృష్ణ (35)భార్య, పిల్లలతో కలిసి ఇంటిలో నిద్రిస్తున్న సమయంలో..గుర్తుతెలియని వ్యక్తులు ఇంట్లోకి చొరబడి అతని గొంతుకోసి పరారయ్యారు. దుండగులను అడ్డుకునేందుకు ప్రయత్నించిన భార్యపై కూడా దాడి చేసినట్లు తెలుస్తోంది. రామకృష్ణ స్థానిక ఎంఈఓ కార్యాలయంలో క్లస్టర్ రిసోర్స్ పర్సన్ (సీఆర్సీ) గా పనిచేస్తున్నారు. సమాచారం తెలుసుకున్న పోలీసులు ఘటనా ప్రాంతానికి చేరుకుని మృతదేహాన్ని పోస్టుమార్టం నిమిత్తం స్థానిక ప్రభుత్వాస్పత్రికి తరలించారు. భూ తగాదాల కారణంతోనే రామకృష్ణను హత్య చేసి ఉంటారని పోలీసులు అనుమానిస్తున్నారు. ఈ మేరకు కేసు నమోదు చేసుకుని దర్యాప్తు చేస్తున్నారు.

రాణి యార్లగడ్డ

నాపేరు యార్లగడ్డ నాగరాణి. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, సీవీఆర్ న్యూస్ ఛానెల్ లో మూడున్నరేళ్లు పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.