విభిన్న కథాంశాలతో ఉండే సినిమాలను చేయడానికి ఇష్టపడే హీరో సూర్య. అందుకనే ఆయనకు తమిళంలో పాటు తెలుగులోనూ అభిమానులు ఉన్నారు. తాజాగా ఆయన తమిళుల సాహస క్రీడ జల్లికట్టు నేపథ్యంలో తెరకెక్కనున్న చిత్రం‘వాడివాసల్‌’ లో నటిస్తున్నారు. ఈ చిత్రంలో సూర్యా తండ్రీకొడుకులుగా ద్విపాత్రాభినయం చేయనున్నారు. ప్రముఖ దర్శకుడు వెట్రిమారన్‌ దర్శకత్వం వహించనున్న ఈ చిత్రాన్ని వి క్రియేషన్స్‌ సంస్థ నిర్మిస్తోంది. జీవీ ప్రకాష్‌ సంగీతం అందిస్తున్నారు.

ఈ చిత్రంలో గ్రామీణ జల్లికట్టు క్రీడాకారుడి పాత్రలో సూర్యా నటిస్తున్నారు. ఈ చిత్రం షూటింగ్‌ త్వరలో ప్రారంభం కానుండటంతో సూర్యా గ్రామీణ జల్లికట్టు క్రీడాకారుడిగా తన గెటప్‌ను మార్చుకున్నారు. దట్టమైన గడ్డం, పొడవైన మీసాలు, తల వెంట్రుకల్ని దట్టంగా పెంచుకుని గ్రామీణ జల్లికట్టు కీడ్రాకారుడిని తలిపిస్తున్నారు. ప్రస్తుతం సోషల్‌ మీడియాలో ఈ వెరైటీ గెటప్‌ సూర్యా ఫోటోలు హల్‌చల్‌ చేస్తున్నాయి.

ఇదిలా ఉంటే సూర్య కథానాయకుడిగా సుధా కొంగర దర్శకత్వంలో రూపొందిన చిత్రం ‘సూర‌రై పోట్రు’ తెలుగులో ఈ చిత్రం ‘ఆకాశం నీ హ‌ద్దురా’ పేరుతో విడుద‌ల‌వుతుంది. ఈ చిత్రాన్ని ఓటీటీ మాధ్య‌మం అమెజాన్ ప్రైమ్‌లో అక్టోబ‌ర్ 30న విడుద‌ల కానుంది. ఈ చిత్రాన్ని ఈ ఏడాది స‌మ్మ‌ర్‌లో విడుద‌ల చేయాల‌నుకున్నారు కానీ క‌రోనా వైర‌స్ ప్ర‌భావంతో సినిమా విడుద‌ల ఆగింది. ఎట్టకేలకు అన్ని అడ్డంకులు దాటుకుని ఈ చిత్రం ఓటీటీలో విడుదల కానుంది. ఈ చిత్రంపై ప్రేక్షకుల్లో మంచి అంచనాలు ఉన్నాయి.

సుభాష్

.

Next Story