బ్రేకింగ్ : త‌లైవాకు గాయాలు.. ఆందోళ‌న‌లో ఫ్యాన్స్‌

సూప‌ర్‌స్టార్‌ రజినీకాంత్ అభిమానుల‌కు నిజంగా ఇది చేదువార్తే. ర‌జ‌నీ ప్రస్తుతం మ్యాన్ వర్సెస్ వైల్డ్ షూటింగ్‌లో పాల్గొంటున్న సంగ‌తి తెలిసిందే. అక్కడ షూటింగ్‌లో పాల్గొన్న ర‌జ‌నీ ప్రమాదానికి గురయ్యారు. ఈ షూటింగ్ కర్ణాటకలోని బందిపుర టైగర్ రిజర్వ్‌లో జరుగుతుంది.

ఈ షూటింగ్ నేటి నుండి మూడు రోజుల పాటు అక్కడ షెడ్యూల్ ప్లాన్ చేసారు. మ్యాన్ వర్సెస్ వైల్డ్ షోలో భాగంగా ఆయన షో హోస్ట్ బేర్ గ్రిల్స్‌తో పాటు రజినీ ఈ షూటింగ్ చేస్తున్నాడు. షూట్ చేస్తున్నపుడు అనుకోకుండా రజినీ కిందపడ్డాడు. ఈ ప్రమాదంలో ర‌జ‌నీ భుజానికి గాయాలయ్యాయి. అయితే గాయం తీవ్రత మరీ ఎక్కువేం కాదని.. స్వల్ప గాయాలే అని వైద్యులు తేల్చారు. గాయం కార‌ణంగా ర‌జ‌నీ షూటింగ్‌కు ప్యాకప్ చెప్పి చెన్నై బ‌య‌లుదేరారు. రజినీ ప్రమాదం తెలిసిన అభిమానులు ఆందోళన చెందుతున్నారు.