ఖాతాదారులకు శుభవార్త వినిపించిన ‘ఆర్బీఐ’

ఖాతాదారులకు ఆర్బీఐ తీపి కబురు అందించింది. ఇకపై బ్యాంకు ఖాతాదారులు తమ డబ్బులను 24గంటల్లో ఎప్పుడైన పంపుకోవచ్చని స్పష్టం  చేసింది. ఈ మేరకు ఈ రోజు నుంచి నెఫ్ట్‌ (నేషనల్‌ ఎలక్ట్రానిక్‌ ఫండ్స్ ట్రాన్స్‌ ఫర్‌) సర్వీసులు అందుబాటులోకి వచ్చాయి.ఈ సేవలు 365 రోజులు ఉపయోగించుకోవచ్చని పేర్కొంది. కాగా, ప్రస్తుతం నెప్ట్‌ సేవలు మామూలు రోజుల్లోఉదయం 8 గంటల నుంచి రాత్రి 7 గంటల వరకు మాత్రమే అందుబాటులోఉండేది. మొదటి, మూడో శనివారాల్లో ఉదయం 8 గంటల నుంచి మధ్యాహ్నం 1 గంట వరకు ఈ సదుపాయం ఖాతాదారులకు అందుబాటులోఉండేది. ఆర్బీఐ తాజా నిర్ణయంతో ఇక నుంచి ఈ సేవలు అర్ధరాత్రి 12.30 నుంచి రాత్రి 11.30 వరకు ఈ సేవలు అందుబాటులోకి వచ్చాయి. ఇక పండగ రోజులు, సెలవు దినాలు అనే వాటితో సంబంధం లేకుండా ఏ క్షణమైనా నగదును బదిలీ చేసుకునే అవకాశం ఉంది. అంతే కాదు.. నెఫ్ట్, ఆర్టీజీఎస్ లావాదేవీలపై ఎటువంటి అదనపు ఛార్జీలు కూడా లేవని ఆర్బీఐ స్పష్టం చేసింది. కాగా నెఫ్ట్ విధానంలో ఖాతాదారులకు లిమిట్ లేకపోగా.. ఆర్టీజిస్ విధానంలో మాత్రం  2 లక్షల రూపాయల వరకు నగదును బదిలీ చేసుకుని వెసులుబాటు ఉంది.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.