దేశంలో రాజకీయాలు ఎప్పుడు ఎలా ఉంటాయో తెలియని పరిస్థితి. ఎన్నికలకు ముందు ఇతర పార్టీల నుంచి బీజేపీలోకి వలసలు ప్రారంభమయ్యాయి. తాజాగా విలక్షణ నటుడు మోహన్‌బాబు కుటుంబసమేతంగా ప్రధాని మోదీని కలువడం రాజకీయాల్లో చర్చనీయాంశంగా మారింది. ఈ సందర్భంగా మోదీతో భేటీ అయ్యారు. ఈ భేటీలో బీజేపీలోకి రావాలని మోహన్‌ బాబును మోదీ కోరినట్లు తెలుస్తోంది. మోదీని కలిసిన వారిలో మోహన్‌బాబుతోపాటు మంచు విష్ణు, లక్ష్మీప్రసన్న, కోడలు వెనరోనికా ఉన్నారు. కాగా, మోదీ ఆహ్వానం మేరకు మోహన్‌బాబు బీజేపీలో చేరనున్నట్లు సమాచారం.

Mohan Babu 1

కాగా, మోహన్‌బాబు త్వరలో కాషాయ తీర్థం పుచ్చుకోనున్నట్లు తెలుస్తోంది. అలాగే ఈ రోజు సాయంత్రం 6 గంటలకు హోంశాఖ మంత్రి అమిత్‌షాను కలవనున్నట్లు సమాచారం. ప్రస్తుతం మోహన్‌బాబు వైఎస్సార్‌ కాంగ్రెస్‌పార్టీలో ఉన్నారు. మోహన్‌బాబుకు బంధువైన సీఎం జగన్‌ పార్టీలో ఉంటే ఒరిగేది ఏమిలేదని ఆలోచనలో ఉన్నట్లు తెలుస్తోంది. ఈ కారణంగానే కమలం గూటికి వెళ్లే ఆలోచనలో ఉన్నట్లు సమాచారం. ఒక వేళ మోహన్‌బాబు బీజేపీలోకి వెళ్తే వైసీపీకి పెద్ద దెబ్బెనని రాజకీయ నేతలు అభిప్రాయపడుతున్నారు.

Mohan Babu 2

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.