మేడారం జాతర తేదీలివే.. ప్రకటించిన పూజారులు

మేడారం: ప్రపంచ ప్రసిద్ధి గాంచిన మేడారం మహా జాతర తేదీలను జాతర పూజారులు ప్రకటించారు. వనదేవతలైన సమ్మక్క, సారలమ్మలను ఈ జాతరలో కొలుస్తారు. జయశంకర్ భూపాలపల్లి జిల్లా తాడ్వాయి మండల కేంద్రంలోని మేడారంలో ఈ జాతర జరుగనుంది. పూర్తిగా కోయ సంప్రదాయంలో ఈ జాతర జరుగుతుంది. ఈ మహా జాతరకు తెలుగు రాష్ట్రాల నుండే కాక వివిధ రాష్ట్రాల నుండి 2 కోట్లకు మందికి పైగా భక్తులు హాజరవుతారు. ప్రపంచంలోనే అతి పెద్ద గిరిజన జాతర మేడారం. మూడు రోజులపాటు జరిగే మేడారం జాతరకు తెలంగాణ ప్రభుత్వం భారీ భద్రతా ఏర్పాట్లు చేస్తుంది. రెండేళ్లకోసారి ఈ జాతర జరగనుంది. ఇందుకు సంబంధించి తెలంగాణ రాష్ట్ర ప్రభుత్వం కూడా ప్రత్యేక నిధులు కేటాయిస్తుంది.

జాతర తేదీల వివరాలు

ఫిబ్రవరి 5 న బుధవారం సారలమ్మ, పడిగిద్దరాజు, గోవిందరాజులు గద్దెలకు చేరుకుంటారు.

ఫిబ్రవరి 6న గురువారం నాడు సమ్మక్క గద్దెకు చేరుతుంది.

ఫిబ్రవరి 7న శుక్రవారం నాడు భక్తులు మొక్కులు చెల్లించుకుంటారు.

ఫిబ్రవరి 8న శనివారం దేవతల వన ప్రవేశం ఉంటుంది.