మనమ్మాయి దిశకు పట్టిన దుర్గతి ఇంకే అమ్మాయికీ పట్టకూడదని ఆ ఊరి వాళ్లు నిర్ణయించుకున్నారు. అమ్మాయిల్ని ఏడిపించే కామపు కుక్కలకు, తామేం చేస్తున్నామో తెలియకుండా పోయే తాగుబోతులకు తమ ఊళ్లోకి ప్రవేశం లేదని ఆ గ్రామ పంచాయితీ ఏకగ్రీవంగా తీర్మానించింది. కరీంనగర్ జిల్లా రామడుగు మండలం వన్నారం గ్రామంలో మదమెక్కిన మేకవన్నె పులులను రానీయొద్దని నిర్ణయం తీసుకోవడమే కాదు, అనుమానితులను పిలిపించి కౌన్సెలింగ్ ఇచ్చింది. ఊరు ఊరంతా – ఆడామగా, యువకులు, వృద్ధులు కలిసి ఈ నిర్ణయం తీసుకున్నారు. ఎవరైనా అమ్మాయిలను వేధిస్తే వారిని ఊరి నుంచి తరిమివేయాలని కూడా వారు నిర్ణయించుకున్నారు.

అమ్మాయిలను గౌరవించడం, మర్యాదగా ప్రవర్తించడం వంటి విషయాల్లో యువతలో చైతన్యం కల్పిస్తున్నారు. వన్నారం సాధించిన ఈ విప్లవం గురించి తెలుసుకునేందుకు పొరుగు ఊళ్లకు చెందిన వారు వచ్చి చూసి వెళ్తున్నారు. ఇంకో విషయం ఏమిటంటే గత మూడు నెలల్లో ఈ గ్రామంలో ఈవ్ టీజింగ్ జరిగిన దాఖలాలే లేవు.

అంజి గోనె

నా పేరు గోనె. అంజి. న్యూస్‌మీటర్‌ తెలుగులో జర్నలిస్టుగా పని చేస్తున్నాను. గతంలో 99టీవీలో క్షేత్రస్థాయి అధ్యయనం చేశాను. మోజో టీవీలో సంవత్సరం పాటు జర్నలిస్టుగా పనిచేశాను. కలం నా బలం, సమస్యలే నా గళం. జర్నలిజం పట్ల ఇష్టంతో నేను ఈ వృత్తిని ఎంచుకున్నాను.