హైదరాబాద్‌: దిశ ఘటనతో మహిళలు, ప్రజాసంఘాలు దేశ వ్యాప్తంగా ఆందోళనలు నిర్వహిస్తున్నారు. నిందితులను కఠినంగా శిక్షించాలని డిమాండ్‌ చేస్తున్నారు. కాగా దేశ వ్యాప్తంగా సంచలనం సృష్టిస్తున్న వెటర్నరీ డాక్టర్‌ దిశ హత్య ఘటనపై అనుచిత వ్యాఖ్యలు చేసిన యువకుడిని పోలీసులు అరెస్ట్‌ చేశారు. నిజామాబాద్‌ నవీపేట మండలం ఫకీరాబాద్‌కు చెందిన శ్రీరామ్‌ను సైబర్‌ క్రైమ్‌ పోలీసులు అరెస్ట్‌ చేశారు. సోషల్‌ మీడియాలో దిశపై అసభ్యకర కామెంట్లు చేసిన శ్రీరామ్‌ గ్యాంగ్‌పై సీసీఎస్‌ పోలీసులు సుమోటోగా కేసు స్వీకరించారు. దిశ ఘటనపై కొందరు యువకులు ఫేసుబుక్‌ వేదికగా అసభ్యకర కామెంట్లు చేశారు.

దిశ ఘటనపై సోషల్‌ మీడియాలో అనుచిత వ్యాఖ్యలు చేసిన వ్యక్తిని అరెస్ట్‌ చేశామని డీసీపీ అవినాష్‌ మహంతి తెలిపారు. నిందితులను సమర్థిస్తూ, యువతను రెచ్చగొట్టే విధంగా పోస్టులు చేశారని తెలిపారు. నిందితుడిపై వయోలేషన్‌, ఐపీసీ యాక్ట్‌ కింది కేసులు నమోదు చేశామన్నారు. ఈ తరహా పోస్టులు చేసిన వారిపై కఠిన చర్యలు తీసుకుంటామని డీసీపీ అవినాష్‌ మహంతి తెలిపారు. దిశ ఘటనపై ఎవరైనా అసభ్యకర పోస్టులు పెడితే కఠిన చర్యలు తీసుకుంటామని పోలీసులు పేర్కొన్నారు. దిశ ఫొటోను ఎక్కడ కూడా వాడరాదని.. సోషల్‌ మీడియాపై పూర్తి స్థాయిలో నిఘా ఉంచామని పోలీసులు ఉన్నతాధికారులు తెలిపారు.

అంజి గోనె

నా పేరు గోనె. అంజి. న్యూస్‌మీటర్‌ తెలుగులో జర్నలిస్టుగా పని చేస్తున్నాను. గతంలో 99టీవీలో క్షేత్రస్థాయి అధ్యయనం చేశాను. మోజో టీవీలో సంవత్సరం పాటు జర్నలిస్టుగా పనిచేశాను. కలం నా బలం, సమస్యలే నా గళం. జర్నలిజం పట్ల ఇష్టంతో నేను ఈ వృత్తిని ఎంచుకున్నాను.