హిందూ మనోభావాలు దెబ్బతినేలా..ఇస్మార్ట్ న్యూస్ పేరుతో హిందూ దేవతగా కొలిచే అమ్మవారి ముఖచిత్రాన్ని కరోనా గా చూపిస్తూ ఓ ప్రముఖ ఛానెల్ ఇస్మార్ట్ న్యూస్ లో ప్రసారం చేసిందని ఆరోపిస్తూ ఒక అడ్వకేట్ పోలీసులకు ఫిర్యాదు చేశాడు.

Also Read : కర్నూల్ లో తొలి కరోనా పేషెంట్ డిశ్చార్జ్..అత్యవసర సేవలు బంద్

వివరాల్లోకి వెళ్తే చంపాపేట్ లో ఉంటున్న అడ్వకేట్ కె. కరుణ సాగర్ (40) ప్రముఖ ఛానెల్ పై సైదాబాద్ పీఎస్ లో ఫిర్యాదు చేశారు. హిందువుల మనోభావాలను దెబ్బతీసేలా ఆ ఛానెల్ కలియుగ దైవం..కరోనాంబ అమ్మవారంటూ ఓ దేవత ముఖాన్ని కరోనా అమ్మవారుగా మార్చి పరిహాసమాడటం పై ఆయన ఆగ్రహం వ్యక్తం చేశారు. ఇలాంటి మత విద్వేష కార్యకలాపాలను ఖండించాల్సిన మీడియానే అలాంటి వాటిని ప్రోత్సహించడం ఏమిటని ఆయన ప్రశ్నించారు. ఈ రోజుల్లో టీఆర్పీ కోసం ఛానెళ్లు ఏం చేయడానికైనా వెనుకాడటం లేదని ఆరోపించారు. దేవతలతో పరిహాసమాడటం చాలా సరదా అయిపోయిందని, దేవత పై పరిహాసం కూడా ఒక వార్త ? అని ప్రశ్నించారు. అసలు దేవత ఫొటోతో ఇలాంటి వాటిని ఇస్మార్ట్ వార్తల పేరిట ప్రసారం చేయడం నేరమన్నారు. చైనా నుంచి ప్రపంచదేశాలకు కరోనా వ్యాపిస్తే..దానిని ఇక్కడి దేవతతో ముడిపెట్టడం ఏ మాత్రం సరైంది కాదన్నారు. కేవలం హిందూత్వం పైనే కాకుండా ఇతర మతాలపై కూడా ఆ ఛానెల్ ఇలాంటి వార్తలను ప్రసారం చేయగలదా ? అని ప్రశ్నించారు. వెంటనే సదరు ఛానెల్ పై కేసు నమోదు చేసి కఠిన చర్యలు తీసుకోవాలని కోరారు.

Also Read : చదువుకున్న ఆడపిల్లవి..నువ్విలా చేయడం న్యాయమా ? పోలీస్ ప్రశ్న

కాగా ఇప్పటికే ఈ వార్తపై నెటిజన్లు వివిధ రకాలుగా స్పందిస్తున్నారు. హిందువుల మనోభావాలను దెబ్బతీసేలా వార్తలను ప్రసారం చేసిన ఛానెల్ ను బ్యాన్ చేయాలని డిమాండ్ చేస్తున్నారు.

రాణి యార్లగడ్డ

నాపేరు యార్లగడ్డ నాగరాణి. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, సీవీఆర్ న్యూస్ ఛానెల్ లో మూడున్నరేళ్లు పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.