రాష్ర్ట వ్యాప్తంగా మైనర్ బాలికల అదృశ్యంపై న్యాయవాది రాపోలు భాస్కర్ హై కోర్టులో పిల్ దాఖలు చేశారు. రాష్ర్టంలో మైనర్ పిల్లల అదృశ్యంపై నమోదైన కేసులన్నింటినీ పోలీసులు పట్టించుకోకుండా మూసివేశారని, ఈ కేసులను మళ్లీ రీ ఓపెన్ చేయించాలని పిటిషనర్ కోర్టుకు విజ్ఞప్తి చేశారు. హాజీపూర్ లో ముగ్గురు బాలికలు అదృశ్యమైన మాదిరిగానే ఈ మైనర్ బాలికల అదృశ్యం కూడా జరిగి ఉంటుందని పిటిషనర్ అనుమానం వ్యక్తం చేశారు. ఈ మేరకు ప్రతి జిల్లాకు ఒక స్పెషల్ అధికారిని నియమించి, విచారణ చేపట్టాలని పిటిషనర్ కోరారు.

రాష్ర్టవ్యాప్తంగా మూసివేసిన 2 వేల మిస్సింగ్ కేసులను తిరిగి తెరిపించి, విచారణ జరిపించాలని పిటిషనర్ విన్నవించారు. ఈ పిటిషన్ పై విచారణ చేసిన ధర్మాసనం తెలంగాణ ప్రభుత్వం కౌంటర్ దాఖలు చేయాలని ఆదేశిస్తూ..తదుపరి విచారణను నాలుగు వారాలకు వాయిదా వేసింది.

ఆ మధ్యకాలంలో హాజీపూర్ లో ముగ్గురు మైనర్ బాలికల అదృశ్యం..వారి మృతదేహాలు ఊరి చివరిలోని మూతపడిన బావి వద్ద దొరకడం పెద్ద ఉదంతమయింది. పోలీసులు ఈ ఘటనలపై ఆరా తీయగా..ఊర్లోనే ఉంటున్న శ్రీనివాస్ అనే వ్యక్తి బాలికలను ట్రాప్ చేసి, అత్యాచారం చేసిన తర్వాత వారిని చంపేస్తున్నాడని తేలడంతో…అతడిని అరెస్ట్ చేశారు. ఈ నెలలో శ్రీనివాస్ ను కోర్టులో హాజరు పరుచగా..కోర్టు జడ్జి అతడిని అత్యాచారాలపై ప్రశ్నించారు. ఆ ముగ్గురు బాలికల అదృశ్యం, హత్యలతో తనకెలాంటి సంబంధం లేదన్నాడు శ్రీనివాస్. తనకు మగతనమే లేదని, తానొ నపుంసకుడిని అని శ్రీనివాస్ కోర్టుకు తెలిపాడు.

రాణి యార్లగడ్డ

నాపేరు యార్లగడ్డ నాగరాణి. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, సీవీఆర్ న్యూస్ ఛానెల్ లో మూడున్నరేళ్లు పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.