ప్రపచంలో ఒక వైపు కరోనా వైరస్‌పై పోరాటం జరుగుతుంటే మరో వైపు దుండగుడు రెచ్చిపోయారు. కెనడాలో ఓ దుండగుడు జరిపిన కాల్పుల్లో 16 మంది మృతి చెందారు. ఆదివారం నోవా స్కోటియా రాష్ట్రంలో చోటు చేసుకున్న ఈ ఘటన సంచలనంగా మారింది. ఈ కాల్పులతో అప్రమత్తమై పోలీసులు కాల్పులు జరిపారు.ఈ కాల్పుల్లో దుండగుడు హతమయ్యాడు. కాగా, దుండగుడు జరిపిన కాల్పుల్లో ఓ మహిళ పోలీసు కూడా ఉంది. దుండగుడు పోలీసుల దుస్తులు ధరించి, పోలీసులు వాడే వాహనం లాగా తయారు చేసి కాల్పులకు తెగబడినట్లు అధికారులు తెలిపారు.

గత 30 ఏళ్ల కెనడా చరిత్రలో ఇలాంటి ఘటన చోటు చేసుకోవడం మొదటిసారి అని చెబుతున్నారు. కాగా, 1989లో ఓ దుండగుడు జరిపిన కాల్పుల్లో 14 మంది మరణించారు. అప్పటి నుంచి తుపాకుల వాడకంపై కఠిన ఆంక్షలు విధించారు. ఇప్పుడు మరోసారి ఇలాంటి ఘటన జరగడంపై సంచలనం రేపుతోంది.

కాగా, కెనడాలో కరోనా వైరస్‌ ఉండటంతో లాక్‌డౌన్‌ కొనసాగుతోంది. దీంతో ప్రజలెవ్వరూ బయటకు రాకుండా అక్కడి పోలీసు యంత్రాంగం చర్యలు చేపడుతోంది.

 

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.