మెగాస్టార్ తో వినాయక్ 'విశ్వాసం'
Megastar Chiranjeevi to do Ajith's Viswasam remake with VV Vinayak.మెగాస్టార్ చిరంజీవి మరో తమిళ రీమేక్ కి ఓకే చెప్పారు.
By Sumanth Varma k Published on 20 Jan 2023 4:19 AM GMT
మెగాస్టార్ చిరంజీవి మరో తమిళ రీమేక్ కి ఓకే చెప్పారు. తమిళ బ్లాక్ బస్టర్ 'విశ్వాసం' సినిమాను తెలుగులో రీమేక్ చేయబోతున్నారు చిరు. 2019లో విడుదలైన ఈ సినిమాలో తమిళ స్టార్ హీరో అజిత్ కుమార్ హీరోగా నటించారు. పైగా ఈ విశ్వాసం తెలుగులోనూ రిలీజ్ అయ్యింది. టీవీలలో కూడా చాలాసార్లు ప్రసారం అయ్యింది. అయినా చిరు ఈ సినిమాని రీమేక్ చేస్తుండటం విశేషం. చిరంజీవితో గతంలో ఠాగూర్ వంటి సూపర్ హిట్ ని, ఆ తర్వాత ఖైదీ నెంబర్ 150 వంటి మరో బ్లాక్ బస్టర్ ని ఇచ్చిన వివి వినాయిక్ ఈ చిత్రాన్ని డైరక్ట్ చేయనున్నారు.
ఈ సినిమా కథ పై ఇప్పటికే వినాయక్ మార్పులు చేర్పులు చేశాడట. ఆ మార్పులు చిరుకి బాగా నచ్చాయని, అందుకే.. మెగాస్టార్ వెంటనే ఈ సినిమాకి గ్రీన్ సిగ్నల్ ఇచ్చాడని అంటున్నారు. ప్రస్తుతం 'వాల్తేరు వీరయ్య' సక్సెస్‌ జోష్ లో ఉన్నారు చిరు. బాక్సాఫీస్‌ ను మరోసారి దున్నేస్తున్న క్రమంలో మెగాస్టార్ ఈ రీమేక్ ప్రాజెక్టుకు ఓకే చెప్పారు. ఐతే, చిరంజీవి ప్రస్తుతం చేస్తున్న 'భోళా శంకర్' సినిమా కూడా రీమేక్ సినిమానే. అజిత్ 'వేదాళం' సినిమాకి తెలుగు రీమేక్ గా 'భోళా శంకర్ వస్తోంది. మళ్లీ అజిత్ సినిమానే చిరు రీమేక్ చేస్తుండటం విశేషం.
