ట్రెండింగ్‌లో 'కల్కి' కృష్ణుడి పాత్ర.. అసలు ఎవరితను?

యంగ్ రెబల్ స్టార్ ప్రభాస్ నటించిన సినిమా కల్కి 2898 ఏడీ థియేటర్లలో విడుదలైంది. ప్రేక్షకుల ఆదరణ పొందుతోంది. మొదటి రోజే రికార్డు స్థాయిలో కలెక్షన్లను రాబట్టినట్లు తెలిసింది. అయితే.. ఈ సినిమా ప్రేక్షకులు ఊహించినదానికంటే బాగా ఉండటంతో ఎంజాయ్‌ చేస్తున్నారు. నాగ్‌ అశ్విన్‌ డైరెక్షన్‌ సూపర్ అంటూ చెబుతున్నారు. తెలుగు, తమిళం, మలయాలం, కన్నడ సహా హిందీ భాషల్లో థియేటర్లలో గ్రాండ్‌గా విడుదలైంది ఈ మూవీ.

ఈ మూవీలో కొన్ని క్యారెక్టర్స్‌ గురించి నాగ్ అశ్విన్ సీక్రెట్‌గా ఉంచారు. కొందరు స్టార్లు కూడా ఉన్నారనే విషయాన్ని మొదటదాచి పెట్టారు. ఇలా క్యారెక్టర్స్‌ను దాచడంతో కల్కి మూవీపై ఇంకాస్త ఎక్కువ హైప్ పెరిగిందనే చెప్పాలి. అయితే.. నాగ్‌ అశ్విన్‌ సీక్రెట్‌గా ఉంచిన వాటిలో లార్డ్ కృష్ణ పాత్ర ఒకటి. సినిమా ఈ పాత్ర ముఖ్యమైనది కూడా.ఈ రోల్‌లో ఎవరు కనిపించారనేది చెప్పకుండా.. మీ అభిమాన హీరోలను ఊహించుకోండి అంటూ చెప్పకనే చెప్పాడు. ఆన్‌లైన్‌లో చాలా కాలంగా ఉన్న మిస్టరీ వీడింది. సినిమాలో కూడా కృష్ణుడి పాత్ర చేసిన ఆర్టిస్టు ముఖాన్ని సరిగ్గా చూపించలేదు కానీ.. అతనెవరో తెలిసిపోయింది.

హీరో సూర్య నటించిన ఆకాశం నీ హద్దురా సినిమాలో హీరోకు స్నేహితుడి క్యారెక్టర్ చేసిన కృష్ణకుమారే.. కల్కిలో కృష్ణుడి పాత్రను చేశాడు. సూర్య మూవీలో కృష్ణకుమార్‌ పైలట్‌గా కనిపించాడు. తెలుగు సినిమా ఖ్యాతిని పెంచే ఇలాంటి సినిమాలో లార్డ్‌ కృష్ణగా నటించడం గొప్ప గౌరవంగా భావిస్తున్నానన్నాడు కృష్ణకుమార్‌. ఇక ఈ పాత్రకు తమిళ నటుడు అర్జున్ దాస్‌ అందించిన వాయిస్‌ ఓవర్‌ మరో హైలెట్‌గా నిలిచింది. కృష్ణకుమార్ విమర్శకుల ప్రశంసలు అందుకుంటున్నాడు. ప్రస్తుతం అతను సక్సెస్‌ను ఎంజాయ్‌ చేస్తున్నాడు. మరోవైపు ఎవరూ ఊహించని విధంగా దర్శకులు ఆర్జీవీ, రాజమౌళిని కూడా నాగ్‌ అశ్విన్‌ కల్కిలో నటులుగా చూపించాడు.