లేటెస్ట్‌ హార్రర్ సినిమా 'పిండం' ఓటీటీ రిలీజ్‌ డేట్ ఫిక్స్

లవ్‌ స్టోరీస్‌.. యాక్షన్‌ సినిమాలు ఇలా ఎన్ని వచ్చిన హార్రర్‌ సినిమాలకు ఉండే ప్రత్యేకతే వేరు. మంచి స్టోరీతో భయపెట్టే సీన్లు ఉంటే చాలు ఆ సినిమా హిట్టే. అయితే.. గతేడాది థియేటర్లలో ప్రేక్షకులను భయంతో విణికించిన సినిమా 'పిండం' ది స్కేరియెస్ట్‌ ఫిల్మ్‌ ఎవర్ అనే ట్యాగ్‌ లైన్‌తో వచ్చింది. సాయి కిరణ్‌ ఈ సినిమాకు దర్శకత్వం వహించారు. డిసెంబర్ 15న థియేటర్లలో విడుదలై ఫరవాలేదనిపించింది. అయితే.. ఈ సినిమా ఇప్పుడు ఓటీటీలో విడుదలకు సిద్ధం అవుతోంది. ఓటీటీ ద్వారా ప్రేక్షకులను మరోసారి భయపెట్టబోతుంది.

ఈ మూవీలో శ్రీరామ్, అవసరాల శ్రీనివాస్, రవి వర్మ, ఖుషి రవి, ఈశ్వరీ రావు ప్రదాన పాత్రల్లో కనిపించారు. 2023లో విడుదలైన ది బెస్ట్‌ హార్రర్‌ సినిమాగా పేరు తెచ్చుకుంది ఈ మూవీ. విడుదలకు ముందే విభిన్నంగా ప్రమోషన్స్‌ చేస్తూ సినిమాపై ఆతృతను పెంచారు మేకర్స్. ఈ సినిమాను గర్భిణీలు, చిన్నారులు చూడొద్దంటూ మూవీ విడుదల కాకముందే హెచ్చరించారు. దాంతో.. ఈ సినిమాపై అందర్లోనూ క్యూరియాసిటీ పెరిగిపోయింది. అసలేముంది సినిమాలో అని కచ్చితంగా చూడాలనే ఆలోచనను కలిగించారు. థియేటర్లలో విడుదలైన తర్వాత కూడా ఈ సినిమాకు మంచి రెస్పాన్స్ వచ్చిన విషయం తెలిసిందే. ఇక ఈ సినిమా ఎప్పుడు ఓటీటీలోకి వస్తుందా అని చాలా మంది సినిమా ప్రేమికులు ఎదురు చూస్తున్నారు. తాజాగా ఓటీటీ స్ట్రీమింగ్ తేదీని ఫిక్స్‌ చేశారు.

ప్రముఖ తెలుగు ఓటీటీ ప్లాట్‌ఫామ్ ఆహాలో ఈ సినిమా స్ట్రీమింగ్ కాబోతుంది. ఫిబ్రవరి 2వ తేదీ నుంచి సినిమాను వీక్షకులకు అందుబాటులోకి తెస్తున్నట్లు అధికారికంగా ప్రకటించారు. కాగా.. నల్లగొండ జిల్లాలో జరిగిన ఓ యథార్థ సంఘటన ఆధారంగా చేసుకుని దాని చుట్టూ ఓ కల్పిత కథాంశం అల్లుకుని ఈ సినిమాను రూపొందించారు. ‘దియా’ సినిమాతో తెలుగు ప్రేక్షకులకు దగ్గరైన ఖుషి రవి ఈ చిత్రంలో ప్రధాన పాత్ర పోషించింది.