హైకోర్టును ఆశ్రయించిన దర్శకుడు మురగదాస్‌

సూపర్‌స్టార్ రజనీకాంత్‌తో స్టార్ దర్శకుడు మురగదాస్ నిర్మించిన చిత్రం ‘దర్బార్‌’. ఎన్నో వివాదాల మధ్య ఈ చిత్రం సంక్రాంతికి విడుదలైంది. ఈ చిత్రానికి విమర్శకుల నుంచి మంచి స్పందనే వచ్చింది. కలెక్షన్ల విషయానికొస్తే బాక్సాఫీసు వద్ద బోల్తా కొట్టేసింది. ఎన్నో అంచనాలతో ముందుకొచ్చిన ఈ చిత్రాన్ని వినియోగదారులు భారీ రేటుకు కొనుగోలు చేశారు. కాగా, సరైన సమయంలో కలెక్షన్లు రాకపోవడంతో దాదాపు 25 కోట్ల వరకు వినియోగదారులు నష్టపోయినట్లు ఆరోపణలు వచ్చాయి. ఈ నేపథ్యంలో తమ నష్టాలను దర్శకుడు మురగదాస్‌, సూపర్‌స్టార్‌ రజినీకాంత్‌లు భరించాలంటూ వారు డిమాండ్‌ చేస్తూ వచ్చారు.

ఈ విషయంలో ముగదాస్‌ను కలిసేందుకు వారు ఎన్నో ప్రయత్నాలు చేశారు. కాగా, ఈ వివాదం రోజురోజుకు ముదురుతూ వచ్చింది. ఈ క్రమంలో మురగదాస్‌ మద్రాస్‌ హైకోర్టును ఆశ్రయించారు. వినియోగదారుల నుంచి నాకు ప్రాణహాని ఉందని, నాకు పోలీసు భద్రత ఏర్పాటు చేయాలంటూ మురగదాస్‌ హైకోర్టుకు కోరారు.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.