ఫ్యాన్స్ కి సర్ ఫ్రైజ్ గిఫ్ట్ ఇస్తున్న చిరు.. ఇంత‌కీ... ఏంటా గిఫ్ట్..?

'సైరా న‌ర‌సింహారెడ్డి 'సినిమాతో సెన్సేష‌న్ క్రియేట్ చేసిన మెగాస్టార్ చిరంజీవి.. ఈసారి ప‌క్కా క‌మ‌ర్షియ‌ల్ మూవీతో అభిమానుల‌ను అల‌రించేందుకు కొత్త సినిమాకి శ్రీకారం చుట్టారు. బ్లాక్ బ‌ష్ట‌ర్ డైరెక్ట‌ర్ కొర‌టాల శివ ద‌ర్శ‌క‌త్వ‌లో రూపొందే ఈ సినిమా న‌వంబ‌ర్ నుంచి సెట్స్ పైకి వెళ్ల‌నుంది. కొర‌టాల సినిమాలు ఎలా ఉంటాయో తెలిసిందే. సామాజిక సందేశంతో పాటు మంచి పాట‌లు, ఫైట్స్ ఉంటాయి.

ఈ సినిమా కూడా అలాగే ఉంటుంద‌ట. అయితే... క‌థ ఏంటి..? చిరు క్యారెక్ట‌ర్ ఏంటి..? అనేది అఫియ‌ల్ గా ఎనౌన్స్ చేయ‌లేదు. ఇదిలా ఉంటే... ఫ్యాన్స్ కి ఈ సినిమాతో స‌ర్ ఫ్రైజ్ గిఫ్ట్ ఇవ్వ‌నున్నార‌ట‌. ఇంత‌కీ.. విష‌యం ఏంటంటే... ఈ సినిమాలో చరణ్ ఓ కీలక పాత్ర పోషిస్తున్నాడు. ఒక సోషల్ మెసేజ్ నేపథ్యంలో ఎంటర్ టైనర్ గా రూపొందే ఈ చిత్రంలో చరణ్ పాత్రకు కూడా చాలా ప్రాధాన్యత ఉంటుందని అంటున్నారు.

చ‌ర‌ణ్ క్యారెక్ట‌ర్ గురించి చర‌ణ్ కి, చిరుకి కొర‌టాల చెప్ప‌గానే... సెకండ్ థాట్ లేకుండా వెంట‌నే ఓకే చెప్పార‌ట‌. చ‌ర‌ణ్ ఆర్ఆర్ఆర్ కంప్లీట్ అయిన త‌ర్వాత ఈ సినిమా షూటింగ్ లో పాల్గొటాడ‌ట‌. ఈ వార్త బ‌య‌ట‌కు వ‌చ్చిన‌ప్ప‌టి నుంచి మెగా అభిమానులు చాలా హ్యపీగా ఫీల‌వుతున్నారు. సో... ఈ సినిమా చిరు అభిమానుల‌కు నిజంగా పండ‌గే..!