ఎట్ట‌కేల‌కు నిఖిల్ మూవీ రిలీజ్ అవుతుంద‌ట‌...ఇంత‌కీ ఎప్పుడు..?

యువ హీరో నిఖిల్, లావ‌ణ్య జంట‌గా న‌టించిన‌ చిత్రం 'అర్జున్ సుర‌వ‌రం'. ఈ చిత్రానికి సంతోష్ దర్శకత్వం వ‌హించారు. ఇందులో నిఖిల్ జ‌ర్న‌లిస్ట్ గా న‌టించారు. ఈ సినిమాని స‌మ్మ‌ర్ లో రిలీజ్ చేయాలి అనుకున్నారు. కాని.. కొన్ని కార‌ణాల వ‌ల‌న కుద‌ర‌లేదు. ఆ త‌ర్వాత రెండు మూడు సార్లు రిలీజ్ డేట్స్ ఎనౌన్స్ చేసిన‌ప్ప‌టికీ... రిలీజ్ చేయ‌లేదు. దీంతో అస‌లు ఈ సినిమా రిలీజ్ అయ్యిందో..? లేదో..? కూడా తెలియ‌ని ప‌రిస్థితి.

ఇదిలా ఉంటే... హీరో నిఖిల్ ట్విట్ట‌ర్ లో ఈ సినిమా గురించి స్పందిస్తూ... సైడ్ సైడ్ సైడ్ ప్లీజ్. .డేట్ దొరికేసిందోచ్ అంటూ 'అర్జున్ సుర‌వ‌రం' త్వ‌ర‌లోనే రిలీజ్ అని తెలియ‌చేశాడు. అంతే కాకుండా... ఇన్నాళ్లు మిమల్ని వెయిట్ చేయించానని తెలుసు.. ఓపికగా ఎదురుచూసినందుకు థాంక్స్ చెప్పాడు. ఈ వారంలోనే రిలీజ్ డేట్ ఎనౌన్స్ చేస్తాన్నాడు. మ‌రి.. ఈసారైనా చెప్పిన డేట్ కి రిలీజ్ చేస్తారని ఆశిద్దాం.