అన‌సూయ క్రేజ్ ఈమెకెప్పుడు?

ఒక ద‌శ‌లో ర‌ష్మికి సినిమా అవ‌కాశాలు ఆగిపోయిన‌ట్లే క‌నిపించింది. దీపం ఉండ‌గానే ఇల్లు చ‌క్క‌దిద్దుకోవ‌డానికి ప్ర‌య‌త్నించిన ఆమె.. పేల‌వ‌మైన సినిమాలు చేసి పేరు చెడ‌గొట్టుకుంది. ఈ మ‌ధ్య జ‌బ‌ర్ద‌స్త్, మ‌రికొన్ని టీవీ కార్య‌క్ర‌మాల్లో మిన‌హా ర‌ష్మి క‌నిపించ‌డం లేదు. ఐతే చాలా కాలం త‌ర్వాత కాస్త చెప్పుకోద‌గ్గ సినిమాలో ఆమెకు అవ‌కాశం ద‌క్కింది. నందు హీరోగా ఇటీవ‌లే ప్ర‌క‌టించిన బొమ్మ బ్లాక్‌బ‌స్ట‌ర్‌లో ర‌ష్మినే క‌థానాయిక‌గా. తాజాగా ఆమె ఫ‌స్ట్ లుక్ కూడా రిలీజ్ చేశారు. అందులో ర‌ష్మి చాలా అందంగా, ఆక‌ర్ష‌ణీయంగా క‌నిపించింది. ఈ సినిమా టైటిల్, కాన్సెప్ట్ పోస్ట‌ర్ ఆస‌క్తిక‌రంగా అనిపించాయి. నందుతో పాటు ర‌ష్మికి కూడా ఇది ట‌ర్నింగ్ పాయింట్ అవుతుందేమో అనిపిస్తోంది. మ‌రి అన‌సూయ‌లా ర‌ష్మి కూడా సినిమాల్లో మెరిసిపోయే రోజులు ఈ చిత్రంతో అయినా వ‌స్తాయేమో చూడాలి.