బాహుబ‌లి త‌ర్వాత ఆచితూచి అడుగులు వేస్తూ… క‌థా బలం ఉన్న సినిమాల‌నే ఎంచుకుంటూ.. కెరీర్ లో దూసుకెళ్తున్న బెంగుళూరు భామ అనుష్క‌. అయితే భాగ‌మ‌తి సినిమా త‌ర్వాత అనుష్క న‌టించిన తాజా చిత్రం ‘నిశ్శ‌బ్ధం’. ఈ చిత్రానికి హేమంత్ మ‌ధుక‌ర్ ద‌ర్శ‌క‌త్వం వ‌హించారు. పీపుల్ మీడియా ఫ్యాక్ట‌రీ, కోన ఫిల్మ్ కార్పోరేష‌న్ సంయుక్తంగా ఈ సినిమాని నిర్మించాయి.

‘నిశ్శ‌బ్ధం’ ఫ‌స్ట్ లుక్ కి మంచి స్పంద‌న ల‌భించింది. దీంతో ఈ సినిమా పై మ‌రింత ఆస‌క్తి పెరిగింది. ఈ సినిమా చిత్రీకరణ మొత్తం దాదాపు విదేశాల్లోనే జరిగింది. ఇలా షూటింగ్ మొత్తం అమెరికాలో జ‌రుపుకున్న ఫ‌స్ట్ మూవీ ఇదే అని ర‌చ‌యిత కోన వెంక‌ట్ తెలియ‌చేశారు. ఈ సినిమాలో అనుష్క‌ మ్యూట్ ఆర్టిస్ట్ గా కనిపించనుంది.

ఓ కీలకమైన పాత్రలో మాధవన్ నటించగా, మరో ముఖ్యమైన పాత్రలో హాలీవుడ్ నటుడు మైఖేల్ కనిపించనున్నాడు. ఈ రోజు చిత్ర యూనిట్ ప్రెస్ మీట్ పెట్టి ఈ చిత్రాన్ని జ‌న‌వ‌రి 31న రిలీజ్ చేయ‌నున్న‌ట్టు తెలియ‌చేశారు. తెలుగుతో పాటు త‌మిళ్, హిందీ భాష‌ల్లో ఈ సినిమాను విడుదల చేయనున్నారు.

న్యూస్‌మీటర్ నెట్‌వర్క్

విశ్వసనీయమైన డిజిటల్ మీడియా ప్లాట్‌ఫారమ్.. మీకు విశ్వసనీయ వార్తా కథనాలను మరియు ప్రస్తుత వ్యవహారాల విశ్లేషణను అందిస్తుంది.