మాట‌ల మాంత్రికుడు త్రివిక్ర‌మ్ శ్రీనివాస్ ద‌ర్శ‌క‌త్వంలో స్లైలీష్ స్టార్ అల్లు అర్జున్ హీరోగా తెర‌కెక్కిన చిత్రం ‘అల.. వైకుంఠ‌పురంలో..’ సంక్రాంతి కానుక‌గా ప్రేక్ష‌కుల ముందుకు వ‌చ్చిన ఈ చిత్రం ఘ‌న విజ‌యం సాధించిన సంగ‌తి తెలిసిందే. పూజా హెగ్దే హీరోయిన్ న‌టించిన ఈ చిత్రానికి త‌మ‌న్ సంగీతాన్ని అందించాడు.

చిత్ర విజ‌యంలో సంగీతం కూడా కీల‌క పాత్ర పోషింది. కాగా ప్ర‌స్తుతం ఈ చిత్ర ఆల్బ‌మ్ 1.13 బిలియ‌న్ వ్యూస్‌తో దూసుకెళ్తోంది. ఈ నేప‌థ్యంలో బ‌న్ని ట్విట్ట‌ర్ ద్వారా త‌మ‌న్‌ను అభినందించాడు. ‘మై డియ‌ర్ త‌మ‌న్‌. నువ్వు ఇచ్చిన మాట‌ను నిల‌బెట్టుకున్నందుకు నేనెంతో గ‌ర్వ‌ప‌డుతున్నాను. ఈ చిత్ర ప్రారంభానికి ముందు బిలియ‌న్ వ్యూస్ ఉండేలా ఆల్బ‌మ్ కావాల‌ని నీతో చెప్పాను. దానికి నువ్వు స‌రే చెప్పావు.. ఇచ్చిన మాట‌ను నిల‌బెట్టుకున్నావు. ఇప్ప‌టికి 1.13 బిలియ‌న్ మంది ఈ పాట‌ల‌ను విన్నారు. థ్యాంక్స్ త‌మ‌న్’ అని బ‌న్నీ ట్వీట్ చేశాడు. ఈ ట్వీట్‌కు త‌మ‌న్ స్పందించాడు. ‘ఈ ట్వీట్‌ను నా జీవితాంతం దాచుకుంటాను బ్ర‌ద‌ర్. దీనికి కార‌ణం నువ్వ‌, ద‌ర్శ‌కుడు త్రివిక్ర‌మ్ శ్రీనివాస్ నాపై చూపించిన ప్రేమ‌, న‌మ్మ‌కం వ‌ల్లే సాధ్య‌మైంద‌ని’ అంటూ రిప్లే ఇచ్చాడు.



వంశికుమార్ తోట

నాపేరు వంశికుమార్. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, ఆంధ్ర‌జ్యోతిలో పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.