'అఖిల్'తో  పూజా హెగ్డేకి  బాగా కుదిరిందట ! 

By Newsmeter.Network  Published on  14 Jan 2020 3:39 PM GMT
అఖిల్తో  పూజా హెగ్డేకి  బాగా కుదిరిందట ! 

అక్కినేని అఖిల్, బొమ్మరిల్లు భాస్కర్ తో చేస్తోన్న సినిమా షూటింగ్ ప్రస్తుతం శరవేగంగా జరుగుతుంది. అఖిల్ సరసన ఈ సినిమాలో హీరోయిన్ గా పూజా హెగ్డే నటిస్తోంది. అయితే లాస్ట్ షెడ్యూల్ లో చిత్రబృందం ఈ సినిమాలోని ఓ రొమాంటిక్ సాంగ్ తో పాటు అఖిల్ - పూజా హెగ్డేల మధ్య లవ్ సీన్స్ ను కూడా షూట్ చేశారు. లవ్ సీన్స్ లో అఖిల్ - పూజా హెగ్డే మధ్య కెమిస్ట్రీ చాల బాగా కుదిరిందని.. వీరి మధ్య రొమాన్స్ సినిమాలోనే హైలెట్ గా నిలుస్తోందని తెలుస్తోంది. ముఖ్యంగా అఖిల్ - పూజాకి మధ్య లిప్ టు లిప్ కిస్ ఉంటుందట. మొత్తానికి పూజా హెగ్డే తన అందాలను ఆరబోయటంలో ఎలాంటి హద్దు అదుపు లేకుండా ఈ సినిమాలో రెచ్చిపోయిందని ఫిల్మ్ సర్కిల్స్ లో ఘాటు వ్యాఖ్యలు వినిపిస్తున్నాయి.

ఇక ఈ సినిమా కూడా బొమ్మరిల్లు భాస్కర్ సినిమాల లాగానే బలమైన ఫ్యామిలీ ఎమోషన్స్ తో పాటు ప్రేమ కథ కూడా ప్రత్యేకంగా ఉంటుందట. ఈ సినిమాను గీతా ఆర్ట్స్ నే నిర్మిస్తోంది. దేవి శ్రీ ప్రసాద్ సంగీతం అందిస్తోన్నారు. మరి భాస్కర్ తో చెయ్యబోయే సినిమాతోనైనా అఖిల్ భారీ విజయాన్ని అందుకుంటాడా..? ఈ సినిమా తరువాత హరీష్ శంకర్ - అఖిల్ కాంబినేషన్ లో ఓ సినిమా రాబోతున్నట్లు తెలుస్తోంది. అఖిల్ కోసం స్క్రిప్ట్ పనులు పూర్తి చేశారట హరీష్ శంకర్. త్వరలోనే ఈ సినిమాని సెట్స్ పైకి తీసుకువెళ్ళటానికి చూస్తున్నారు.

అయితే 'మిస్టర్ మజ్ను' కూడా ఆశించిన ఫలితాన్ని ఇవ్వలేకపోయింది అక్కినేని అఖిల్ కి . దాంతో తన తరువాత సినిమాల పై మరింత జాగ్రత్త పడుతున్నాడు అఖిల్. బొమ్మరిల్లు భాస్కర్ తో చేస్తోన్న సినిమాకి కూడా అఖిల్ దగ్గర ఉండి సినిమాకి సంబంధించి అన్ని పనులు చూసుకుంటున్నాడట.

Next Story
Share it