మీకు నిజంగా మాస్క్ లు కావాలా ? అయితే ఇలా తయారు చేసుకోండి

ప్రపంచం మొత్తానికి ముచ్చెమటలు పుట్టిస్తోన్న కరోనా వైరస్..ఇండియాలోకి వ్యాప్తి చెందిన నేపథ్యంలో ప్రజలంతా మాస్క్ ల కోసం మెడికల్ షాపులకు క్యూ కడుతున్నారు. కొన్ని షాపుల్లో అయితే మాస్క్ లు స్టాక్ ఉండట్లేదు. కరోనా వైరస్ బారిన పడకుండా ఉండేందుకు చాలా మంది ఎన్ 95 మాస్క్ లను వాడేందుకే మొగ్గు చూపుతున్నారు. మార్కెట్ లో మాస్క్ ల కొరత ఉండటంతో కొణిదెల వారి కోడలు ఉపాసన సోషల్ మీడియాలో ఇన్ స్టెంట్ మాస్క్ లను ఎలా తయారు చేయాలో చూపిస్తూ..ఒక వీడియో పోస్ట్ చేశారు.

https://telugu.newsmeter.in/vaccine-for-corona-virus/

''హాయ్ గాయ్స్..కరోనా పై ఉన్న భయాన్ని వదిలేయండి. బాధ్యత ఉన్న పౌరుడిగా వ్యవహరించండి. చాలా మంది మెడికల్ షాపుల్లో మాస్క్ లు, శానిటైజర్స్ సరిగ్గా దొరకడం లేదంటున్నారు. దేశంలో ఎన్ 95 మాస్క్ ల కొరత ఉండటంతో వాటిని అందించేందుకు వివిధ కంపెనీలు చాలా కష్టపడుతున్నాయి. ఖచ్చితంగా మాస్క్ లను ధరించాలని భావించేవారు మీ ఇంటి వద్దే మాస్క్ ను తయారు చేసుకోవచ్చు. టిష్యూతో మాస్క్ తయారు చేయడం ఇటీవలే నేను కూడా నెట్ లో చూశాను. ఈ వీడియో చూసి మాస్క్ ను తయారు చేసుకోండి. కానీ..ఒకసారి వాడిన మాస్క్ ను బయటపడేయకుండా చెత్తబుట్టలో మాత్రమే వేయండి. ఈ మాస్క్ ను మీ చుట్టూ ఉన్నవారిలో కరోనా లక్షణాలుంటేనే ధరించండి. అనవసరమైన అపోహలతో మాస్క్ లను ధరించాల్సిన అవసరం లేదు.'' అని ఉపాసన కొణిదెల తెలిపారు.

https://telugu.newsmeter.in/corona-face-mask-prices/