టీ20 ర్యాంకింగ్స్ విడుద‌ల‌.. టాప్-5లో భార‌త బ్యాట్స్ మెన్స్ కు ద‌క్క‌ని చోటు

అంత‌ర్జాతీయ క్రికెట్ మండ‌లి (ఐసీసీ) తాజాగా టీ20 ర్యాంకింగ్స్ ను విడుద‌ల చేసింది. శ్రీలంక‌తో 3టీ20ల సిరీస్ లో విశేషంగా రాణించి మ్యాన్ ఆఫ్ ది సిరీస్ అవార్డు అందుకున్న న‌వ‌దీస్ సైనీ టాప్‌-100లోకి వ‌చ్చాడు. టీ20 సిరీస్ లో 5 వికెట్ల‌తో స‌త్తా చాటిన ఈ యువ బౌల‌ర్ టీ20 ర్యాంకింగ్స్ లో 146 స్థానాలు ఎగ‌బాకి 98వ స్థానానికి చేరుకున్నాడు. మరొక బౌలర్‌ శార్దూల్‌ ఠాకూర్‌ 92వ స్థానంలో నిలిచాడు.

పాకిస్థాన్ బ్యాట్స్ మెన్ బాబార్ ఆజాం 879 రేటింగ్ పాయింట్ల‌తో అగ్ర‌స్థానంలో కొన‌సాగుతుండ‌గా ఆస్ట్రేలియాకు చెందిన ఆరోన్ ఫించ్ 810 రేటింగ్ పాయింట్ల‌తో రెండో స్థానంలో ఉన్నాడు. ఇక భార‌త బాట్స్ మెన్ల విష‌యానికి వ‌స్తే 760 రేటింగ్‌ పాయింట్లతో లోకేష్ రాహుల్ ఆరో స్థానంలో ఉండ‌గా ప‌రుగుల యంత్రం విరాట్ కోహ్లీ 683 రేటింగ్‌ పాయింట్లతో 9వ స్థానానికి ఎగబాకాడు. శిఖర్‌ ధావన్‌ ఒక స్థానాన్ని మెరుగుపరుచుకుని 15వ స్థానానికి చేరుకున్నాడు.

టీ20 బ్యాట్స్ మెన్స్ ర్యాంకింగ్స్..

ర్యాంక్ ఆట‌గాడి పేరు దేశం  రేటింగ్ పాయింట్లు
1 బాబర్ ఆజం పాకిస్థాన్  879
2  ఆరోన్ ఫించ్ ఆస్ట్రేలియా 810
3 డేవిడ్ మలన్  ఇంగ్లాండ్  782
4 కోలిన్ మున్రో న్యూజిలాండ్  780
5 గ్లెన్ మాక్స్వెల్ ఆస్ట్రేలియా 766
6 లోకేష్ రాహుల్ ఇండియా 760
7 ఎవిన్ లూయిస్ వెస్టిండీస్ 699
8  హజ్రా తుల్లా  ఆప్ఘ‌నిస్థాన్ 692
9 విరాట్ కోహ్లీ  ఇండియా 683
10 మోర్గాన్ ఇంగ్లాండ్‌ 653

 

బౌల‌ర్ల విష‌యానికి వ‌స్తే ఆప్ఘ‌నిస్థాన్ బౌల‌ర్ రషీద్ ఖాన్ 749 రేటింగ్ పాయింట్ల‌తో అగ్ర‌స్థానంలో కొన‌సాగుతుండ‌గా అదే దేశానికి చెందిన ముజీబ్ ఉర్ రెహ్మాన్ 742 రేటింగ్ పాయింట్ల తో రెండో స్థానంలో కొన‌సాగుతున్నాడు. ఇక భార‌త బౌల‌ర్ల విష‌యానికి వ‌స్తే వాషింగ్టన్ సుందర్ 614 రేటింగ్ పాయింట్ల‌తో 14వ స్థానంలో కొన‌సాగుతున్నాడు. సుంద‌ర్ త‌ప్ప టాప్ 20లో మ‌రే భార‌త బౌల‌ర్ లేడు.

టీ20 బౌల‌ర్ల ర్యాంకింగ్స్..

ర్యాంక్ ఆట‌గాడి పేరు దేశం  రేటింగ్ పాయింట్లు
1  రషీద్ ఖాన్ ఆప్ఘ‌నిస్థాన్ 749
2 ముజీబ్ ఉర్ రెహ్మాన్ ఆప్ఘ‌నిస్థాన్ 742
3 మిచెల్ సాంట్నర్ న్యూజిలాండ్ 698
4 ఇమాద్ వసీం పాకిస్థాన్ 681
5 ఆడమ్ జాంపా ఆస్ట్రేలియా 674
6 ఆండిలే ఫెహ్లుక్వాయో  సౌతాఫ్రికా 665
7 ఆదిల్ రషీద్  ఇంగ్లాండ్ 660
8 షాదాబ్ ఖాన్ పాకిస్థాన్ 657
9 అష్టన్ అగర్ ఆస్ట్రేలియా 649
10  క్రిస్ జోర్డాన్   ఇంగ్లాండ్   640

ఆల్ రౌండ‌ర్ల జాబితాలో ఆప్ఘ‌నిస్థాన్ కు చెందిన మహ్మద్ నబీ 319 రేటింగ్ పాయింట్ల‌తో అగ్ర‌స్థానంలో కొన‌సాగుతుండ‌గా ఆస్ట్రేలియాకు చెందిన గ్లెన్ మాక్స్వెల్ 231 రేటింగ్ పాయింట్ల‌తో రెండో స్థానంలో ఉన్నాడు. టాప్ -20లో భార‌త ఆల్ రౌండ‌ర్ల‌కు చోటు ద‌క్క‌లేదు.

టీ20 ఆల్ రౌండ‌ర్ల ర్యాంకింగ్స్..

ర్యాంక్ ఆట‌గాడి పేరు  దేశం రేటింగ్ పాయింట్లు
1 మహ్మద్ నబీ ఆప్ఘ‌నిస్థాన్ 319
2 గ్లెన్ మాక్స్వెల్ ఆస్ట్రేలియా 231
3 సీన్ విలియమ్స్ జింబాబ్వే 212
4 రిచర్డ్ బెర్రింగ్టన్ స్కాట్లాండ్ 194

ఇక టీం ర్యాంకింగ్స్ విష‌యానికి వ‌స్తే పాకిస్థాన్ 270 పాయింట్ల‌తో అగ్ర‌స్థానంలో ఉండ‌గా ఆస్ట్రేలియా, సౌతాఫ్రికా, ఇంగ్లాండ్ లు ఉన్నాయి. 260 పాయింట్ల‌తో టింఇండియా 5 స్థానంలో ఉంది.

 

న్యూస్‌మీటర్ నెట్‌వర్క్