రకుల్‌ ప్రీత్‌.. ఈపేరు పెద్దగా పరిచయం అక్కర్లేదు. అందరికి తెలిసిందే. ‘కెరటం’ మూవీతో పరిచయమైన ఈ భామ ఆ తర్వాత తన అందంతో వరుసగా అవకాశాలు అందిపుచ్చుకుంది. స్టార్‌ హీరోల సరసన నాటిస్తూ అదరగొట్టింది. లౌక్యం, నాన్నకు ప్రేమతో, ధృవ వంటి హిట్‌ చిత్రాలను తన ఖాతాలో వేసుకుంది ఈ ముద్దుగుమ్మ. ఆ మధ్యన తెగనటించిన కొన్ని సినిమాలు తుస్సుమనడంతో అవకాశాలు కాస్త తగ్గిపోయాయి.

దీంతో రకుల్‌ పాత్రల ఎంపికలో ఆచితూచి అడుగులు వేస్తోంది. ఇదిలా ఉంటే లాక్‌డౌన్‌ కారణంగా ఎలాంటి షూటింగ్‌లు అన్ని నిలిచిపోవడంతో ఈ భామ ఇంట్లోనే ఉండాల్సి వస్తోంది. ఎలాగో షూటింగ్‌లు లేవు కదా.. ఇంట్లోనే ఉంటున్నందుకు రోజుకు 108 సార్లు సూర్యనమస్కారాలు చేస్తోందట ఈ ముద్దుగుమ్మ. అంతేకాదండోయ్‌.. 108 సార్లు వారంలో రెండుసార్లు చేస్తోందట. ఇలా నెమ్మదిగా సూర్యనమస్కారాలు చేయడం వల్ల నాకెంతో హాయిగా ఉంది.. మనసుతో పాటు శరీరం కూడా చాలా చలాకిగా, ఉత్సాహంగా తయారైంది… అని చెబుతూ ఓ వీడియోను సోషల్‌ మీడియాలో వదిలింది. ఈ వీడియో తెగ వైరల్‌ అవుతోంది.

ఈ భామ తెలుగులో నితిన్‌ సరసన చంద్రశేఖర్ యేలేటి డైరెక్షన్‌లో ఓ సినిమా చేస్తోంది. ఈ సినిమాతో పాటు కమల్‌ హాసన్‌ హీరోగా శంకర్‌ దర్శకత్వం వహిస్తున్న ఇండియన్‌-2లో సినిమాలో నటిస్తోంది. మరో వైపు హిందీలో అర్జున్‌ కపూర్‌ హీరోగా నటిస్తున్న ఓ రొమాంటిక్‌ కామెడీలో కూడా నటిస్తోంది. కాస్త అవకాశాలు తగ్గినా.. మళ్లీ అందిపుచ్చుకునేందుకు ప్రయత్నాలు కొనసాగిస్తోంది.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.

Leave a Reply

Your email address will not be published. Required fields are marked *