జబర్దస్త్‌ బ్యూటీ, యాంకర్‌ రష్మీ గౌతన్‌ ఓ వ్యక్తిపై నిప్పులు చెరిగింది. వాడు అసలు మగాడే కాదు.. అంటూ తీవ్ర స్థాయిలో మండిపడిపోయింది. ఓ యువకుడి మీద తీవ్ర స్థాయిలో కోపంతో ఊగిపోయింది. ఈ కోపం ఎందుకంటే.. ఓ యువకుడు కుక్కను కొట్టినందుకు. ఎందుకంటే రష్మీకి జంతువులు, పెంపుడు కుక్కలు అంటే ఎంతో ఇష్టం. ఇటీవల కూడా బెంగళూరులో ఓ వ్యక్తి కుక్కను తన్నినందుకు సోషల్‌ మీడియా ద్వారా తిట్టిపోసింది. అతనిపై కేసు నమోదు చేయాలంటే ట్విట్టర్‌ ద్వారా తెలిపింది.

ఇప్పుడు కూడా అంతే. దీనికి సంబంధించిన ఓ వీడియోను చూసి రష్మీ గౌతమ్‌కు బీపీ లేచింది. ఢిల్లీ ఈశాన్య ప్రాంతంలోని బ్రిజ్‌పురి బి బ్లాక్‌లో ఈ ఘటన చోటు చేసుకుంది. ఓ వ్యక్తి బైక్‌ మీద వెళ్తుంటే అతన్ని చూసి కుక్క మెరిగింది. వెంటనే అతను ఆ కుక్కు వెంటాడి తరిమమాడు. ఆ పక్కనే ఉన్న మిగితా కుక్క పిల్లలను సైతం తరిమికొట్టాడు. అంతేకాదు మళ్లీ ఓ గ్యాంగ్‌తో వచ్చి కుక్కలను వెంటాడి కర్రలతో, బెల్టులు తీసుకొచ్చి కొట్టాడు. ఈ దృశ్యాలన్నీ అక్కడి సీసీ కెమెరాలో రికార్డు అయ్యాయి. వీధి కుక్కలపై ఎంతో ప్రేమ చూపించే రష్మీ ఈ వీడియోను చూసిన తర్వాత కోపంతో రగిలిపోయింది. వీడు అసలు మగాడే కాదు, వాడి మగతనం నోరులేని జీవాల మీద చూపిస్తాడా..? అని రగిలిపోయింది. అలాంటి వారికి వ్యతిరేంగా పోరాడాల్సిన అవసరం ఉందని అభిప్రాయపడింది రష్మీ.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.