ఆ సంబంధం కోసం.. కొడుకును చంపి.. భర్తపై..

రోజురోజుకు మానవ సంబంధాలు మంట కలిసి పోతున్నాయి. ప్రియుడి మోజులో పడిన ఓ మహిళ.. తాను ఓ తల్లిని అన్న విషయాన్ని మరిచిపోయింది. ఏడాదిన్నర వయసు ఉన్న కొడుకును చంపి.. ఆ నెపాన్ని కట్టుకున్న భర్త పై వేసి ప్రియుడితో పరారుకావాలనుకుంది. అయితే పోలీసులు రంగప్రవేశం చేయడంతో అసలు నిజం వెలుగులోకి వచ్చింది. ఈ దారుణ ఘటన కేరలో చోటు చేసుకుంది.

ఓ మహిళ నీచానికి ఒడిగట్టింది. ఏడాదిన్నర వయసున్న కొడుకుని గోడకేసి కొట్టి దారుణంగా హత్య చేసింది. అనంతరం ఆ చిన్నారి శవాన్ని తుప్పల్లో పడేసింది. ఆ తరువాత తనకేమి తెలియనట్లుగా నటించింది. ఆ నేరాన్ని తన భర్తపై నెట్టేసేందుకు ప్రయత్నించింది. అప్పటికే బాలుడు కనపడకపోవడంతో స్థానికులు ఆ చిన్నారి కోసం చుట్టూ పక్కల వెతకకగా తుప్పల్లో ఆ చిన్నారి శవాన్ని గుర్తించారు. అనంతరం పోలీసులకు సమాచారం అందించారు. పోలీసులు ఆ మహిళను తమదైన శైలిలో విచారించడంతో అసలు నిజాన్ని బయట పెట్టింది.

కొడుకుని ఎలా చంపిందన్న విషయంపై ఆరా తీసేందుకు ఆ రాక్షసిని సంఘటన స్థలానికి తీసుకెళ్లారు పోలీసులు. మర్డర్ సీన్ రీకన్‌స్ట్రక్షన్ చేయించేందుకు పోలీసులు నిందితురాలిని తీసుకెళ్లిన సమయంలో స్థానికులు పెద్దఎత్తున గుమిగూడారు. నిందితురాలిని కఠినంగా శిక్షించాలని డిమాండ్‌ చేశారు.

న్యూస్‌మీటర్ నెట్‌వర్క్